Krrish பரிவர்த்தனை விசாரணை: நாமல் ராஜபக்சவின் (Rajapaksa) கையெழுத்து அரச பகுப்பாய்வாளரிடம்
சர்ச்சைக்குரிய Krrish சொத்துப் பரிவர்த்தனை தொடர்பான தொடர் விசாரணையின் ஒரு பகுதியாக, பாராளுமன்ற (parliament) உறுப்பினர் நாமல் ராஜபக்சவின் (Rajapaksa) கையெழுத்து அடங்கிய ஆவணம் அரசாங்க பகுப்பாய்வாளரின் ஆய்வுக்கு அனுப்பப்பட்டுள்ளதாக இலஞ்சம் அல்லது ஊழல் குற்றச்சாட்டுகளை விசாரிக்கும் ஆணைக்குழு (CIABOC) கொழும்பு (Colombo) நீதவான் நீதிமன்றத்தில் தெரிவித்துள்ளது.
வெள்ளிக்கிழமை (6) கொழும்பு (Colombo) பிரதான நீதவான் அசங்க எஸ். பொதரகம முன்னிலையில் வழக்கு விசாரணைக்கு எடுத்துக்கொள்ளப்பட்டபோது இத்தகவல் வெளிப்பட்டது. Krrish வழக்கில் பிணை வழங்கப்பட்டிருந்தும், பிற சட்ட நடவடிக்கைகள் தொடர்பாக விளக்கமறியலில் உள்ள நாமல் ராஜபக்சவும் (Rajapaksa), Krrish நிறுவனத்தின் முன்னாள் பணிப்பாளர் ஜானகி (Janaki) சிறிவர்தனவும் நீதிமன்றத்தில் முன்னிலைப்படுத்தப்பட்டிருந்தனர்.
கொழும்பு (Colombo) பிரதேச செயலாளர் மற்றும் முன்னாள் நில ஆணையாளர் உட்படப் பலரிடமிருந்து ஏற்கனவே வாக்குமூலங்கள் பதிவு செய்யப்பட்டுள்ளதாக ஆணைக்குழுவின் சார்பில் முன்னிலையான உதவிப் பணிப்பாளர் நீதிமன்றத்தில் தெரிவித்தார். அசல் ஆவணம் தற்போது கொழும்பு (Colombo) மேல் நீதிமன்ற வழக்குக் கோப்பில் வைக்கப்பட்டுள்ளதுடன், ஆய்வுக்காக அதனை விடுவிக்குமாறு ஆணைக்குழு கோரியுள்ளது.
