பூமிக்குத் திரும்பிய ஸ்டார்ஷிப் ராக்கெட்டை வெற்றிகரமாக பிடித்த SpaceX

ஸ்பேஸ்எக்ஸ் நிறுவனம், தனது பிரம்மாண்டமான ஸ்டார்ஷிப் ராக்கெட் பூமிக்குத் திரும்பியபோது, ஏவுதளத்தில் உள்ள இயந்திரக் கரங்கள் மூலம் முதன்முறையாக வெற்றிகரமாகப் பிடித்துள்ளது.

ராக்கெட்டின் கீழ் மற்றும் மேல் நிலைகளை ஏவுதளக் கோபுரத்தில் பொருத்தப்பட்டுள்ள இயந்திரக் கரங்கள் மூலம் பிடிக்க ஸ்பேஸ்எக்ஸ் நிறுவனம் திட்டமிட்டிருந்தது. இந்த இயந்திரக் கரங்கள் 'சாப்ஸ்டிக்ஸ்' என்று அழைக்கப்படுகிறது.

முன்னதாக வெள்ளிக்கிழமை அன்று நடைபெற்ற ஏவுதலுக்குப் பிறகு சில நிமிடங்களிலேயே ராக்கெட்டின் பூஸ்டரைப் பிடிக்கும் முதல் முயற்சி கைவிடப்பட்டது. இதையடுத்து, பூஸ்டர் கடலை நோக்கித் திருப்பிவிடப்பட்டது. பின்னர் கடலுக்கு சற்று மேலே அது தீப்பற்றி வெடித்துச் சிதறியது.

இந்நிலையில் சனிக்கிழமை அன்று உள்ளூர் நேரப்படி பிற்பகல் 3.20 மணியளவில் 'ஷிப்'என்று அழைக்கப்படும் ராக்கெட்டின் மேல் பகுதி, திட்டமிட்ட நேரத்தை விட சில நிமிடங்கள் தாமதமாக பூமிக்குத் திரும்பியது.

இதன் மூலம், ராக்கெட்டின் மேல் பகுதியை இயந்திரக் கரங்கள் மூலம் பிடிக்கும் முதல் முயற்சி வெற்றிகரமாக நிறைவேறியுள்ளது.

#SpaceX #Starship