இலங்கைச் சுற்றுலா வழிகாட்டியைக் (tour guide) கடலுக்குள் தள்ளிய இஸ்ரேலிய (Israeli) சுற்றுலாப் பயணி: வைரலான (viral) காணொளி (video) விமர்சனத்தை ஏற்படுத்தியுள்ளது
இலங்கையில் சுற்றுலாப் பயணம் மேற்கொண்டிருந்த இஸ்ரேலிய (Israeli) சுற்றுலாப் பயணி ஒருவர், இலங்கைச் சுற்றுலா வழிகாட்டியைக் (tour guide) குறித்த படகிலிருந்து கடலுக்குள் தள்ளுவது போன்ற காட்சிகளைக் கொண்ட காணொளி (video) ஒன்று சமூக ஊடகங்களில் (social media) வைரலாகி (viral) பரந்த விமர்சனத்திற்கு உள்ளாகியுள்ளது.
ரஷ்ய ஊடகமான ஆர்.டி.யால் (RT) பகிரப்பட்ட அந்தக் காட்சிகளில், படகில் பயணம் செய்த இஸ்ரேலிய சுற்றுலாப் பயணிகள் குழுவில் ஒருவர், தண்ணீர் குடித்துக் கொண்டிருந்த ஆண் வழிகாட்டியை நீருக்குள் தள்ளுவது பதிவாகியுள்ளது. உள்ளூர் வழிகாட்டியிடம் சுற்றுலாப் பயணிகள் நடந்து கொண்ட முறை குறித்து பலர் சமூக ஊடகங்களில் கேள்வி எழுப்பியுள்ளனர்.
இச்சம்பவம் குறித்து செய்தி வெளியிட்ட இஸ்ரேலிய ஊடகவியலாளரும் சமூக செயற்பாட்டாளருமான டேனியல் அம்ராம் (Daniel Amram), பின்னர் சம்பவத்தில் ஈடுபட்ட சுற்றுலாப் பயணிகளின் பதிலையும் பகிர்ந்துள்ளார். அவர்களின் கூற்றுப்படி, அது நகைச்சுவையாக (joke) மேற்கொள்ளப்பட்ட செயலே; வழிகாட்டியும் அதில் பங்கேற்றார் என்றும், அவரை அவமதிக்க எந்த நோக்கமும் இல்லை என்றும், அவருக்குப் பாதிப்பு ஏற்படவில்லை என்றும் தெரிவித்துள்ளனர்.
இருப்பினும், காணொளி பரவியதைத் தொடர்ந்து தாம் எதிர்கொண்ட விமர்சன அலை குறித்து சுற்றுலாப் பயணிகள் கவலை தெரிவித்துள்ளனர். அவர்களின் விளக்கமும் சமூக ஊடகங்களில் பல்வேறு எதிர்வினைகளை ஈர்த்து வருகிறது.
