இந்தியாவின் (India) 100ஆவது கிராண்ட்மாஸ்டர் (Grandmaster): 22 வயது அனுஜ் ஷ்ரீவத்ரியின் (Anuj Shrivatri) வரலாற்றுச் சாதனை

22 வயதான அனுஜ் ஷ்ரீவத்ரி (Anuj Shrivatri) நாட்டின் 100ஆவது கிராண்ட்மாஸ்டராக (Grandmaster) உயர்ந்ததன் மூலம் சதுரங்கத்தில் (chess) இந்தியா வரலாற்று மைல்கல்லை எட்டியுள்ளது. புகழ்பெற்ற வீரர் விஸ்வநாதன் ஆனந்த் (Viswanathan Anand) இந்தியாவின் முதல் கிராண்ட்மாஸ்டரானதிலிருந்து நான்கு தசாப்தங்களுக்குச் சற்று குறைந்த காலத்தில் இச்சாதனை எட்டப்பட்டுள்ளது.

ஞாயிறன்று (8) பிலிப்பைன்சில் (Philippines) நடைபெற்ற 7ஆவது ஆசியான் பிளஸ் தனிநபர் ஓப்பன் சதுரங்க சாம்பியன்ஷிப்பில் (ASEAN Plus Individual Open Chess Championship) வெற்றி பெற்றதன் மூலம் இம்மைல்கல்லை ஷ்ரீவத்ரி எட்டினார். இதன்மூலம் மத்தியப் பிரதேச மாநிலத்தின் (Madhya Pradesh) முதல் சதுரங்க கிராண்ட்மாஸ்டர் என்ற பெருமையையும் அவர் பெற்றார்.

முதல் போட்டியில் தோல்வியடைந்த போதிலும், ஒன்பது சுற்றுகளில் ஏழு புள்ளிகள் பெற்று திரும்பவும் வெற்றி பெற்றார். மென்பொருள் பொறியியல் (software engineering) தொழிலை விட்டுவிட்டு கிராண்ட்மாஸ்டர் கனவை நோக்கிச் சென்றது அவரது சாதனையை மேலும் சிறப்பாக்குகிறது. 2020 இல் இன்டர்நேஷனல் மாஸ்டர் (International Master) பட்டத்தைப் பெற்ற அவர், சதுரங்கத்தின் மிக உயரிய பட்டத்தை நோக்கித் தொடர்ந்து சர்வதேச அளவில் போட்டியிட்டு வந்தார்.

1988 இல் ஐந்து முறை உலக சாம்பியனான விஸ்வநாதன் ஆனந்துடன் ஆரம்பித்த இந்தியாவின் கிராண்ட்மாஸ்டர் பயணம், தற்போதைய உலக சாம்பியன் டி. குகேஷ் (D. Gukesh), ஆர். பிரக்ஞானந்தா (R. Praggnanandhaa), அர்ஜுன் எரிகைசி (Arjun Erigaisi) போன்ற முன்னணி வீரர்களுடன் தொடர்கிறது. 2026 ஜூலை முதல் நவம்பர் வரை இந்தியா தனது சமீபத்திய ஐந்து கிராண்ட்மாஸ்டர்களைப் பெற்றது. அகில இந்திய சதுரங்க கூட்டமைப்பின் (All India Chess Federation) தலைவர் நிதின் நரங் (Nitin Narang) ஷ்ரீவத்ரிக்கு வாழ்த்துத் தெரிவித்து, அடுத்த இலக்காக 200 கிராண்ட்மாஸ்டர்களை எட்டுவது எனக் கூறினார்.