Moss Vale ஆலை மூடல்: 265 பேர் வேலை இழக்கும் அபாயம்

சுரங்க உபகரண உற்பத்தியாளரான கொமாட்சு (Komatsu) நிறுவனம், நியூ சவுத் வேல்ஸின் சதர்ன் ஹைலேண்ட்ஸ் (Southern Highlands) பிராந்தியத்திலுள்ள தனது Moss Vale ஆலையில் 265 வேலைகளைப் படிப்படியாக நீக்குவதாக (phase out) அறிவித்துள்ளது. பிராந்தியத்தின் முக்கிய முதலாளி நிறுவனங்களில் ஒன்றான இதன் மூடல், உள்ளூர் பொருளாதாரத்திற்குப் பெரும் பின்னடைவாக அமையும் என்று எதிர்பார்க்கப்படுகிறது. இந்நடவடிக்கையை "பிராந்தியத்திற்கு இதயத்தைப் பிளக்கும் அடி" (absolute gut blow) என்று தொழிற்சங்கம் கடுமையாக விமர்சித்துள்ளது.

ஆலை 2030ஆம் ஆண்டுக்குள் படிப்படியாக மூடப்படவுள்ளது; ஊழியர்களுக்கு உடனடி மாற்றம் இல்லை என நிறுவனம் தெரிவித்துள்ளது. சில பணிகள் ரதர்ஃபோர்ட் (Rutherford), ராக்ஹாம்ப்டன் மற்றும் ஆஸ்திரேலிய விநியோகஸ்தர்களுக்கு மாற்றப்படவுள்ளதாகக் கூறியுள்ளது.