தென் ஆஸ்திரேலியாவில் இளைஞர் மெனிங்கோகோக்கல் நோயால் பலி

தென் ஆஸ்திரேலியாவில் தீவிர மெனிங்கோகோக்கல் நோயால் (invasive meningococcal disease) பாதிக்கப்பட்ட இளம் வயதுடைய ஒருவர் உயிரிழந்ததை SA Health நவம்பர் 11ஆம் திகதி உறுதிப்படுத்தியுள்ளது. தனியுரிமை காரணமாக உயிரிழந்தவரின் விவரங்கள் வெளியிடப்படவில்லை.

நெருங்கிய தொடர்பில் இருந்தவர்களுக்கு முன்னெச்சரிக்கை ஆன்டிபயாட்டிக் மருந்துகள் (preventative antibiotics) வழங்கப்பட்டதாக சுகாதார அதிகாரிகள் முன்னதாக தெரிவித்திருந்தனர். இது மாநிலத்தில் இவ்வாண்டு பதிவான 22ஆவது பாதிப்பு; அதற்குப் பின்னர் புதிய பாதிப்புகள் பதிவாகவில்லை என SA Health கூறியுள்ளது.